Ողջունում ենք ձեզ ՈՒՀՄ-ի կայքում

Հարգելի հայրենակիցներ, բարեկամներ

Ողջունում ենք ձեզ Ուկրաինայի հայերի միության կայքում:

Ուկրաինայի տարածքում հայ ժողովուրդը ապրում է վաղ ժամանակներից:
Դեռ  IV–VII դարերից են հայտնի Հայաստանի հնագույն կապերն ու հարաբերությունները սլավոնների հետ: Հայաստանը գրաված զավթիչների կողմից ֆիզիկական ոչնչացման վտանգի, բռնի տեղահանությունների արդյոււնքում հայերը դարերով կապվեցին ուկրանացի ժողովորդի հետ ու արդեն  ավելի քան մեկ տասնյակ դար ապրում են հաշտ ու  խաղաղ՝ ապացուցելով իրենց եղբայրությունը:

Ուկրաինայի հայերի միության առաջնային խնդիրը՝ ողջ հայության միավորումն է Ուկրաինայում:

ՈՒՀՄ –ի նախագահ՝, Վիլեն Շատվորյան

Նորություններ → Ուկրաինայում անցկացվում են Հայոց ցեղասպանության 102-րդ տարելիցին նվիրված միջոցառումներ

Ուկրաինայում սկսվել են Հայոց ցեղասպանության 102-րդ տարելիցին նվիրված միջոցառումները:

Ապրիլի 17-ին հայ համայնքի ու Զապորոժիեի Հայ առաքելական եկեղեցու նախաձեռնությամբ Զապորոժիե մարզում «Կյանքի արահետ»-ում տեղի է ունեցել ծառատունկ՝ նվիրված Հայոց ցեղասպանության 102-րդ տարելիցին։

Զապորոժիեում գտնվող հայկական եկեղեցու դիմաց գտնվող պուրակում տնկվել է 102 ծառ։ Ակցիային մասնակցել են շրջանի մոտ 50 հայ ընտանիքները։

Հայոց Ցեղասպանության 102-րդ տարելիցին նվիրված թեմատիկ միջոցառումներին ակտիվ մասնակցություն են ցուցաբերում նաև Ուկրաինայի հայկական երիտասարդական կազմակերպությունների ակտիվիստները։

Ինչպես հայտնել է Ուկրաինայում հայ երիտասարդական միության նախագահ Հովակիմ Հարությունյանը, միջոցառումների շրջանակում նախատեսվում են ֆլեշմոբեր, փաստագրական ֆիլմերի ցուցադրություն։ Հայկական կիրակնօրյա դպրոցներում տեղի կունենան թեմատիկ դասեր:

Ապրիլի 24-ին Ուկրաինայում Հայոց ցեղասպանության զոհերի համար Ուկրաինայի Հայ առաքելական եկեղեցիներում պատարագ կմատուցի։ Կիևում այն կմատուցվի Սուրբ Ալեքսանդրի տաճարում` ժամը 13։00-ին։

Այդ օրը ամբողջ աշխարհում միլիոնավոր հայեր իրենց հարգանքի տուրքը կմատուցեն Օսմանյան Թուրքիայում տեղի ունեցած Հայոց ցեղասպանության զոհերի հիշատակին։ Կիևում Ուկրաինական տանը կբացվի «Տակ ցե Գենոցիդ» անվամբ ցուցահանդեսը, որը կազմակերպել է Կիևի հայ համայնքը։

Ապրիլի 25-ին Գլինկայի անվան Զապորոժիեի համերգասրահում ռեքվիեմ համերգ տեղի կունենա, որի ժամանակ ելույթ կունենան Ուկրաինայում բնակվող մի շարք հայ կատարողներ:

Photo, video

There are no multimedia materials to show.

All rights reserved to sau.net.ua if otherwise is not mentioned. If you want to use our materials - always put a backlink to our site.